Dahabka oo dhigtay rikood hor leh;
Dahabku wuxuu gaaray heer cusub oo ah $3,470 halkii wiqiyad saaka, isagoo sare u kacay sababtoo ah cabsi laga qabo xaaladda dhaqaale ee sii xumaaneysa. Saaka kaliya waxa uu kor u kacay 500 oo pip. Shalay Isniintii, Madaxweyne Trump wuxuu mar kale weerar afka ah ku qaaday Guddoomiyaha Federal Reserve Jerome Powell, wuxuuna soo jeediyay in la ceyriyo haddii aan si degdeg ah loo dhimin ribada. Hadalladiisa waxay kor u qaadeen walaaca laga qabo in siyaasadda lacagta Mareykanka la siyaasadaynayo, taasoo dhaawici karta kalsoonida maal-gashadayaasha. Arrintan waxay sii dheer tahay xiisadaha ganacsiga caalamiga ah, gaar ahaan kuwa u dhexeeya Mareykanka iyo Shiinaha. Trump wuxuu toddobaadkii hore bilaabay baaritaan ku saabsan cashuuraha macdanta muhiimka ah, taasoo khilaaf hor leh u horseedi karta xiriirka Shiinaha. Ilaa hadda, dahabku wuxuu kordhay in ka badan 30% sanadkan.
