Bangiga Jabaan Ayaa Hakiyay Heerka Dulsaarka Dhimayna Koritaanka Dhaqaalaha
Heerka Dulsaaru Ayaa Halkiisa Loo Daayay:
Bankiga Dhexe ee Japan wuxuu 1-da May 2025 ku dhawaaqay inuu joogteeyo heerka dulsaarka ee 0.5%, isagoo ka warqaba cadaadiska dhaqaale ee dibadda ka imaanaya, gaar ahaan cunaqabateynta cashuuraha ee Madaxweyne Trump.
Saadaasha Kobaca Dhaqaale oo Hoos Loo Dhigay:
BOJ wuxuu hoos u dhigay saadaasha kobaca dhaqaale ee sanadka maaliyadeed ee dhammaanaya Maarso 2026 laga bilaabo 1.1% ilaa 0.5%, sababtuna waa hoos u dhaca dhoofinta iyo saamaynta cashuuraha cusub ee Mareykanka.
Yoolka Sicir-bararka oo Dib U Dhac Ku Yimid:
Yoolka BOJ ee ah in sicir-bararka la gaarsiiyo 2% waxaa la filayaa inuu dhaco qeybta dambe ee sanad maaliyadeed 2026, iyadoo ay sabab u tahay qiimaha cuntada oo kor u kacay iyo lacagta yen-ka oo daciifay.
Suuqyada oo Si Daran Uga Falceliyay:
Kadib go'aankii BOJ, lacagta yen-ka waxay hoos ugu dhacday illaa iyo -3%, sidoo kale saamiyada daymaha dawladda ee 10-sano waxay gaareen heerkii ugu hooseeyay ee 3 toddobaad oo ah: 1.26%.
Aragtida Mustaqbalka:
Inkasta oo BOJ ay wali ka go’an tahay inuu gaadho yoolkiisa sicir-barar ee 2%, haddana waxuu la jaanqaadayaa xaaladaha dhaqaale ee is bedbedelaya. Falanqeeyayaasha ayaa sheegaya in haddii aysan dhicin koror xooggan oo sicir-barar ah ama hoos u dhac xoogan oo yen-ka ah, kordhinta kale ee dulsaaru laga yaabo inay dib u dhacdo ilaa 2026 ama wixii ka dambeeya.
Fiiro Gaar Ah;
Dhaqaalaha Jabaan waxa uu caan ku yahay sicirbarar yar oo ka hooseeya 2.0%, sidaa darteed lacagta waxaa ay masuuliyiinta dawladdu iskj dayaan inay heerka u hooseeya ku hayaan dulsaarkooda.
